Secondary Adv

Bordi i Transparencës publikon çmimet e reja të karburanteve, ulet nafta dhe benzina

Bordi i Transparencës ka miratuar çmimet e reja të karburanteve, duke ulur çmimin maksimal të naftës në 201 lekë për litër dhe të benzinës në 160 lekë për litër.

Çmimet e reja hyjnë në fuqi më 19 nëntor 2026, në orën 14:00, dhe do të mbeten të vlefshme deri në vendimin e ardhshëm të Bordit.

Bordi i Transparencës ka publikuar çmimet e reja të shitjes së karburanteve në tregun shqiptar. Sipas vendimit të fundit, nafta do të shitet me jo më shumë se 201 lekë për litër, ndërsa benzina me jo më shumë se 160 lekë për litër.


Çmimi maksimal i shitjes me pakicë i gazoilit të standardit SSH EN 590 është përcaktuar në 201 lekë për litër, ndërsa çmimi i shitjes me shumicë nuk duhet të kalojë 189 lekë për litër.


Për benzinën e standardit SSH EN, çmimi maksimal i shitjes me pakicë është vendosur në 160 lekë për litër, ndërsa ai i shitjes me shumicë në 148 lekë për litër.


Ndërkohë, çmimi i gazit për automjetet është përcaktuar në 71 lekë për litër për shitjen me pakicë dhe 59 lekë për litër për shitjen me shumicë.

Për aktivitetin e peshkimit, çmimi i gazoilit do të jetë 105 lekë për litër.


Çmimet e reja hyjnë në fuqi më 19 nëntor, në orën 14:00

Sipas njoftimit zyrtar, çmimet e përcaktuara nga Bordi i Transparencës hyjnë në fuqi më 19 nëntor 2026, në orën 14:00, dhe do të jenë të vlefshme deri në mbledhjen e ardhshme, kur do të pasqyrohen ndryshimet e reja të çmimeve të shitjes.


Krahasuar me vendimin e mëparshëm të Bordit, kur nafta tregtohej me 207 lekë për litër dhe benzina me 164 lekë për litër, çmimi maksimal i naftës ulet me 6 lekë për litër, ndërsa ai i benzinës me 4 lekë për litër.


Paralajmërim për operatorët që nuk zbatojnë vendimin

Bordi i Transparencës u ka tërhequr vëmendjen të gjithë operatorëve të shitjes me shumicë dhe pakicë të nënprodukteve të naftës për detyrimin e zbatimit të çmimeve të përcaktuara.


Në rast të konstatimit të shkeljeve nga operatorët, do të vendoset masa e pezullimit të aktivitetit.

Ministria e Ekonomisë dhe Inovacionit, së bashku me Ministrinë e Financave dhe Ministrinë e Infrastrukturës dhe Energjisë, kanë theksuar angazhimin për mbrojtjen e interesave të konsumatorëve shqiptarë dhe ruajtjen e parimeve të konkurrencës së ndershme në treg.

Burimi: Euronews.al


Më të lexuarat